🔰2023 жылдың 01 желтоқсан күні Қазығұрт ауданының білім бөліміне қарасты Т.Рысқұлов атындағы мектеп-лицейінің акт залының базасында, білім беру ұйымдарының география пәні мұғалімдеріне Абай атындағы ҚазҰПУ-дың жас ғалымдары «Жаңартылған мазмұндағы мектеп географиясын оқытудағы геоақпараттық технологиялардың қолданбалы негіздері» атты география пәні мұғалімдеріне арналған шеберлік сыныбы өткізілді.
🔰Шебер сыныпты жүргізген спикерлер Лайсханов Шахислам Ұзақбайұлы – География мамандығы бойынша PhD доктор, Абай атындағы Қазақ ұлттық педагогикалық университеті, География және экология кафедрасының қауымдастырылған профессоры. Алиаскаров Думан Тоқтарұлы - География мамандығы бойынша PhD доктор, Абай атындағы Қазақ ұлттық педагогикалық университеті, География және экология кафедрасының меңгерушісі. Үсенов Нұрбол Ергешұлы - География мамандығы бойынша PhD доктор, Абай атындағы Қазақ ұлттық педагогикалық университеті, География және экология кафедрасының қауымдастырылған профессоры міндетін атқарушы. Нұрмағамбетұлы Жанболат – Абай атындағы Қазақ ұлттық пеадагогикалық университетінің 1 курс докторанты жүргізді.
🔰География мұғалімдері жаңартылған мазмұндағы географияны оқытуда қолдануға болатын 60-тан астам геоақпараттық технологиялар мен және ресурстар туралы ақпараттар мен оларды қолданудың ерекшеліктері мен мүмкіндіктері жайлы кеңінен ақпараттар алды. Халықаралық және отандық дереккөздерден географиялық деректерді алу және олармен жұмыс жасауды, сонымен қатар 9,10,11-сыныптарға арналған география оқулықтарында берілген кейбір күрделі тапсырмаларды орындауда геоақпараттық ресурстарды қолданудың әдістемелік нұсқаулықтарымен танысып, оларды өз кәсіби салаларында қолдануды үйренді. География пәні мұғалімдеріне ыңғайлы болуы үшін оқу-құралында геоақпараттық технологиялар мен ресурстарға сілтемелер гиперсілтемелер және QR-кодтар берілді. Шебер сыныпқа қатысқан география пәнінің мұғалімдері сертификатталды.
🖋Қазығұрт ауданының білім бөлімінің баспасөз қызметі
🔗Сілтеме: ЖАҢАРТЫЛҒАН МАЗМҰНДАҒЫ МЕКТЕП... - Қазығұрт Ауданы Білім Бөлімі | Facebook
